Соработка со родителите

Во рамките на тековниот проект, изминатиот месец февруари се одржаа многу работилници и часови со родителите за планираната активност „Родител во улога на наставник – учиме заедно“.

Прво одделение: Родител реализираше интегриран час по ликовно образование и природни науки, при што учениците изработуваа креативни творби користејќи различни материјали.

Второ одделение: Родител одржа презентација на тема „Стоматолог“, со цел учениците да се запознаат со оваа професија и со значењето на грижата за забите и оралното здравје.

Исто така, родител со многу ентузијазам реализираше час по физичко и здравствено образование со ритмички игри со и без реквизити.

Трето одделение: Родител ја доближи содржината „Урамнотеженост и неурамнотеженост на сила“ преку интересно и интерактивно излагање.

Учениците активно учествуваа, а инспирирани од приказна на Славко Јаневски, со помош на родителите изработија „слатко шеќерно дете“.

Благодарение на родител – доктор по општа медицина, се запознаа со вирусите и бактериите и начините за заштита. Посебно внимание беше посветено и на хигиената на велосипедите и правилното миење раце.

Четврто одделение: По повод Денот на добрината, учениците и родителите учествуваа во работилницата „Правиме добри дела“. Се хранеа бездомни животни, се помагаше дома и се разменуваа писма со благодарност.

ПОЧИТУВАНИ РОДИТЕЛИ, ВИ БЛАГОДАРИМЕ ШТО СТЕ ДЕЛ ОД НАШЕТО УЧИЛИШНО СЕМЕЈСТВО И ШТО ЗАЕДНО ПОКАЖУВАМЕ ДЕКА НАЈГОЛЕМ УСПЕХ СЕ ПОСТИГНУВА КОГА СЕМЕЈСТВОТО И УЧИЛИШТЕТО СОРАБОТУВААТ!