На ден 13.2.2026 год(петок) со учениците од VIII 1 одд.од страна на педагогот Силвана Матиловска се реализираше Презентација на тема „ Игри на среќа кај учениците – ризици и превенција‘‘
Игрите на среќа претставуваат активност која во последните години станува сè подостапна за младите преку интернет, мобилни апликации и физички објекти.Кај учениците често се јавува перцепција дека игрите на среќа се безопасна забава или начин за брза заработка, што ја зголемува веројатноста за развој на ризично однесување.
Најчести фактори кои придонесуваат за вклучување на учениците во игри на среќа се:
- љубопитност и желба за докажување пред врсници,
- недоволна родителска контрола,
- финансиски притисок или желба за брза добивка,
- недостаток на организирани слободни активности,
- изложеност на реклами и онлајн содржини поврзани со коцкање.
Последиците можат да бидат:
- намален успех во училиште,
- губење интерес за образовни активности,
- појава на анксиозност, стрес и зависничко однесување,
- нарушени односи со семејството и врсниците,
- зголемен ризик од други ризични однесувања.
Улога на училиштето и родителите:
- организирање работилници и предавања за ризиците од игрите на среќа,
- отворена комуникација со децата,
- следење на онлајн активностите,
- поставување јасни правила и граници.
Општествени мерки:
- ограничување на достапноста на реклами поврзани со коцкање,
- кампањи за подигнување на јавната свест,
- соработка помеѓу училиштата, локалната заедница и институциите.
Педагог : Силвана Матиловска
