Секојдневните згоди и незгоди помеѓу децата се неминовен дел од воспитно – образовниот процес. Поттикнати од конфликтните ситуации кои настануваат помеѓу децата уште од најмала возраст, многумина се обидуваат да ги игнорираат, а не да разговараат со децата и да ги решаваат. Затоа во рамките на Слободниот изборен предмет за IV одд. одобрена од БРО – Разрешување конфликти на 29.09.2025 год. се одржа работилница под наслов ,,Конфликтите се скалила” од страна на училишниот психолог Елена Спасовска, одделенскиот наставник Маја Вељиќ и учениците од IV 1 одд. Работилницата имаше за цел учениците да разберат дека:– минимум двајца се потребни за конфликт
– и двете страни со своето однесување влијаат врз конфликтната ситуација
– доколку не се разреши конфликтот, тоа претставува закана за добрите односи меѓу луѓето и негувањето на меѓусебни позитивни чувства
Најважно од се што треба да разберат е дека пријателското однесување при конфликт ни дава можност тој да се реши така што, двете страни ќе разговараат мирољубиво и ќе се чувствуваат пријатно затоа што не им е целта ,,да го победат другиот” туку да се реши проблемот. Преку цртежи и глума на учениците им беа доловени ситуации со кои тие секојдневно се соочуваат. Научија како на лошото однесување да вратат со позитивен збор и како да избегнат конфликт.
Голема благодарност до Елена Спасовска училишен психолог во нашето училиште.
