Денес се одбележуваат 154 години од раѓањето на нашиот патрон и великан Гоце Делчев. Во негова чест учениците изработија многубројни ликовни и литературни творби.
Додека твореа за Гоце Делчев, во нив се разбудија многу чувства. Се чувствуваа горди што учиме за човек кој се борел за слободата и иднината на својот народ. Некои од нив почувствуваа радост додека цртаа и пишуваа, затоа што преку боите и зборовите можеа да ја покажат нивната љубов кон татковината. Во исто време, почувствуваа и тага за неговиот тежок живот и колку жртви поднел. Но најмногу почувствуваа инспирација – да бидеме храбри, праведни и да ги сакаме слободата и знаењето, како што ги сакал и Гоце Делчев. Преку нивните творби научија дека можеме со срце и почит да ја чуваме историјата и споменот на големите херои.
Нека овој настан биде потсетник дека минатото не смееме да го заборавиме, туку да го разбереме и почитуваме, за од него да црпиме сила и мудрост за иднината. Со почитта што денес ја искажуваме, покажуваме дека сме свесни за значењето на историското наследство и дека сме подготвени да го негуваме и пренесуваме понатаму. Нека споменот за Гоце Делчев и делото на сите претходни генерации продолжи да живее во нашите мисли, дела и стремежи.
Горди сме што нашето училиште го носи неговото име, неговите мисли и дела се инспирација за сите генерации.
СЛАВА МУ!
