Во периодот од 16 до 22 октомври, во нашето училиште беше во тек хуманитарна акција. Акцијата, спроведена по повод Денот на гладта, беше дел од планираните активности по предметот Граѓанско образование,како и дел од активностите на Детскиот парламент и Црвениот крст. Собраните средства беа донирани во Црвениот крст и Хуманитарната организација „Св.Спас“ . Неколку наставници заедно со ученици од Ученичкиот парламент ја посетија организацијата „Св. Спас“ , беа срдечно пречекани од Отец Оливер Петровски кој ги запозна со нејзините цели и активности. Голема благодарност до него за одвоеното време и за предавањето кое им го одржа на учениците за хуманоста и човекољубието, кои се основа за среќа, како што се вели во нивното мото „ Вера, надеж, љубов..за сите…“
Голема благодарност до сите ученици и наставници кои придонесоа хуманитарната акција да биде многу успешна. Се надеваме дека ја разбудивме хуманоста кај учениците и донесовме насмевка на нечии лица.