Изминатиот период во рамки на проектот за унапредување на основното образование, реализирано од Министерството за образование и наука, со поддршка од Светска банка, се склучија договорите за консултантски услуги и договорите за набавка на ИТ опрема и смарт табли. По потпишувањето на договорите започна реализацијата на планираните активности, и тоа : Реализација на туторски часови за ученици роми, обуки за наставници, беше одржан дводневен семинар на кој присуствуваа училишниот психолог, педагог, 3 одделенски и 1 предметен наставник на тема: “Социо-емоционален развој на учениците“. За сите посетени обуки ќе се изврши дисеминација на останатиот наставен кадар.
Целите на сите планирани активности се подобрување на образовниот процес во училиштето преку унапредување на професионалниот развој на наставниот кадар, подобрување на мотивираноста и добросостојбата на учениците, поголем успех во училиштните постигања, подобрување на материјално-техничките услови за реализација на наставната програма, создавање динамична и интерактивна средина за учење.
Планираните активности продолжуваат да се реализираат до крајот на учебната година.
