Привилегија е да си дел од приказната наречена 100 години – Делчев. Чест е да си учесник и сведок на одбележувањето на ваков значаен јубилеј. Гордост е да си ученик и вработен во „Гоце Делчев “, училиште со најдолг историјат. На денешното чествување присутни беа Секретар на Општина Аеродром Јулијана Павковска Боцевска, претставници од Советот на Општина Аеродром, Секторот образование, Директорите на основните општински училишта, Училишниот одбор и Советот на родители. По исполнување на државната химна од страна на училишниот хор, директорот на училиштето г-ѓа Даница Соколова со поздравен говор им се обрати на присутните гости. Надарените ученици од нашето училиште настапија со пригодни рецитали, рецитал-драмски и музички точки. Програмата ја збогатија и ученици кои своето основно образование одамна го завршиле во нашето училиште, но оставиле белег во своето дејствување и творење. Па така бевме сведоци на прекрасна ревија на македонски народни носии, сплет игри и танци од КУД „Никола Вапцаров”, музичка точка со канон и настап на познатата фолк пејачка Благица Павловска.
